పోలవరం ప్రాజెక్ట్‌ అడ్మినిస్ట్రేటర్ (పరిపాలనాధికారి)గా ఐఏఎస్‌ అధికారి ఒ.ఆనంద్‌ను నియమిస్తూ రాష్ట్ర ప్రభుత్వం ఉత్తర్వులు జారీ చేసింది. ప్రస్తుతం ఆనంద్‌ పోలవరం ప్రాజెక్టు స్పెషల్‌ ఆఫీసర్‌గా పనిచేస్తున్నారు. ప్రాజెక్టు స్పెషల్‌ ఆఫీసర్‌ పదవిని రద్దు చేసి తాజా బాధ్యతలు అప్పగించింది. ఇప్పటిదాకా ఈ ప్రాజెక్ట్ కు సంబంధించి నిర్వాసితులకు సహాయ, పునరావాసం కల్పించడం, భూసేకరణ అంశాలను ఇప్పటి వరకు ఉభయగోదావరి జిల్లాల జేసీలు చూసేవారు. ప్రాజెక్టుకు స్పెషల్‌ కలెక్టర్‌ ఉన్నారు. తాజా ఉత్తర్వులతో ఈ బాధ్యతలన్నీ పోలవరం ప్రాజెక్టు అడ్మినిస్ట్రేటర్‌గా నియమితులైన ఆనంద్‌ పర్యవేక్షించనున్నారు. స్పెషల్‌ కలెక్టర్‌ బాధ్యతలు నిర్వహిస్తున్న ఇ.మురళిని సాధారణ పరిపాలన విభాగానికి ప్రభుత్వం బదిలీ చేసింది.