ప్రపంచంలోనే అత్యధికంగా నిరుడు భారత్‌లో సుమారు 50 లక్షల మంది నిరాశ్రయులయ్యారని ఐరాస బాలల నిధి విభాగం ‘యూనిసెఫ్‌’ వెల్లడించింది. ‘లాస్ట్‌ ఎట్‌ హోమ్‌’ పేరుతో మే 5న యూనిసెఫ్‌ ఒక నివేదిక‌ను విడుద‌ల చేసింది. ఈ నివేదిక ప్రకారం భార‌త్ త‌ర్వాత ఫిలిప్పీన్స్‌, బంగ్లాదేశ్, చైనా దేశాల్లో అత్యధికంగా నిరాశ్రయుల‌య్యారు. 

22019లో 50,37,000 మంది భారతీయులు దేశంలోని ఇతర ప్రాంతాలకు తరలిపోగా...వీరిలో 50,18,000 మంది ప్రకృతి వైపరీత్యాల కారణంగా; 19 వేల మంది ఘర్షణలు, హింస కారణంగా నిరాశ్రయులయ్యారని యూనిసెఫ్‌ వివరించింది. మ‌రోవైపు 2019లో ప్రపంచ వ్యాప్తంగా 3.30 కోట్ల మంది నిరాశ్రయులుగా మారారు. వీరిలో 1.2 కోట్ల మంది చిన్నారులే ఉన్నారని యూనిసెఫ్‌ పేర్కొన్నది.